مش بدكو اصلاح ومحاربه فساد وتوفير ونهوض في الاقتصاد وتخفيف مديونة,,, الهيئات عملوا اعتصام وهي الكهرباء اعتصموا على هيك بلشت تبين مديونة الاردن شو سببها ,,, 52 هيئة مستقلة ميزانيتها ورواتبها 2 مليار دينار !!!!! يعني لما شالو راتب السابع عشر وقللوا شوي من الرواتب الخياليه ,,, ياعمو حلو عنا والله حرام فينا الديموقراطيه ولازمنا احكام عرفية زي سوريا اللي بفتح ثمه طلق براسه

واحنا جاهزين لاي اعتصام يا اخواننا مشان العالم تعرف شو الكهرباء ويعرف البخيت ان الله حق

الى 1 مين كذب عليك هالكذبة انو رواتبنا 2 مليار الاردن كله رواتبه مابتوصل مليارين واغلبها للعسكريين يا حلو واحنا بشركتنا رواتبها كاملة مكملة مابتوصل 3 ملايين وبس ومين حكالك سابع عشر هذه معلومة جديدة شكلها من البخيت اللي بيضحك عليكم كلمة وحدة بس حسبنا الله ونعم الوكيل في كل ظالم وفي كل منافق بهالبلد

اولا يجب ان يعرف الجميع ان من سيتاثر بهذا القرار الطبقه العامله من هذه الشركات حيث ان اصحاب الرواتب العليا لا يمكن ان يتاثرو وذلك لانهم وبالاصل اخذو هذه الرواتب من غير حق وبالواسطه واحتمال ان يكونو من اصحاب القرار المؤثرين واثبت حتى من البخيت الذي نضع في الحسبان حسن النية له لاصلاح الامور ولكن كل الخوف ان لا تتاثر الا الطبقة الكادحة وان تحاربه اصحاب الرواتب العليا بحيث لا يستطيع ان يؤثر عليهم ويمكن ان يطفشوه وسامحوني لا ني شخص صريح فلا تؤاخذنا يا ايها البلد الكريم ويا شعبنا العزيز على ما يبذر منا علما بان رواتبنا من 200 الى 350 وكل شيء علينا من مواصلات وغيره ولكن لا حول ولا قوة الا بالله

الى جميع موظفي الحكومة غير المستقلين:بعد ما انكشف الطابق وطلع انه عندنا موظفين مدللين بمئات الالاف يتقاضون رواتب مميزة وامتيازات وكأننا دولة خليجية وغارشين
على هاي النعمة غير المستحقة ظلما وزورا,أدعو جميع موظفي الدولة غير المدللين بالتوقف عن العمل حتى تتساوى الرواتب بالعدل بين الجميع.واذا لم تفعلوها فلا يحق
لكم الشكوى من قلة رواتبكم بعد اليوم فانتم قبلتم والسكوت علامةالرضى.

هذا هو الدور الحقيقي للنقابه والمتمثل بالدفاع عن الحقوق والمكتسبات 00 الف الف تحيه للقيادات العماليه

ليس كل ما يلمع ذهب .............. وانت تتلاعب بقوت اولادنا يا بخيت فاتقي دعوة مظلوم وانت الذي قلت ان هناك فرق كبير في الرواتب فكيف تساوي الجميع الشريف والحرامي القوي والضعيف..؟؟؟؟؟؟؟؟؟؟؟؟؟؟؟؟؟؟؟

الى 3

ميزانية ورواتب الهيئات 2 مليار والكل صار يعرفها واقراء منيح واسال بتعرف الحقيقة ,,,, اقل موظف في هيئة واللي وظيفته قاعد راتبه 800 دينار وميزات لاتعطى في دبي وبالمقابل ناس مابتوصل رواتبها ل150 دينار يعني ناس ماكله حق ناس لازم نفهم احنا دولة فقيرة مش نفطيه لحتى نبذخ هالبذخ الكذاب مش ذنب الموطن المسكين اللي يادوب راتبه 150 دينار ومياومة انو موظف الهيئة رتب حياته على 2000 دينار واشترى سيارة بـ 25 الف من البنك واشترى شقة بالغربية بـ 70 الف كمان قرض لحتى نصير ندفع ضريبة سيارتو وشقته ولازم نتحمل وتتحمل الاردن لما الاخ يخلص القوروض بعدين بنفكر بمشكلة البطاله والمديونية,, المشكلة مش بالمطالبه بتحسين الاوضاع وزياده الرواتب بس الطريقةالمتبعة وابتزاز الوطن وغياب الحس الوطني عند اغلب من يتغنوا بها فقط لمصلحة وعند اقرب فرصة انكشفت النوايا وبانت الانانية المقززه,,

يا خوي يا ابو صقر انت كنت قاعد مع الهيئات وشايف ميزانيتهم انا بشركة كهربا عفكرة مو بهيئة والمهندس بوصل عندنا 10 سنين خبرة ومابوصل راتبه 700 عفكرة بس المهندس اللي اهلو بدفعوا تعبهم عشان يقرأ لا هو معلم ولا ممرض ولاعسكري مع احترامي للكل وبعدين يا خوي احنا بنداوم 45 ساعة بالاسبوع وسنة كاملة مو مثل المعلم اللي بداوم 3 اشهر ومابعطي بذمة وضمير ورواتب المعلمين قربت تلحقنا وين العدالة بنظرك لويه ماتطلب من البخيت يجيب الفاسدين مو تحسد العالم اللي بتتشغل بحق وبتوخذ راتبها بتعبها مو مثل العسكري ماكل شارب نايم ببلاش وبدوام بالسنة شهر خيو كلمة وحدة الك اتق ربك ولاتكون على شاكلة البخيت

موظفو شركة الكهرباء الوطنية مظلمون لان رواتب الموظفين فيها مش مثل ما بنحكى عنهم

الى واحد
احكي ليش رواتبنا هيك

هم بدهم يعملو موظفين الكهربا متل الوزارة احنامنداوم من الساعة 7:30 ل 4 يعني 8:30 باليوم بدون ساعة استراحة وموظفين الوزارة من 8 - 3 يعني احنا منادوم 4 ايام بالشهر زيادة عنهم وبالسنة 50 يوم يعني احنا مستحقين راتبين اللي هم 13 و 14 وما بتوقع موظفين الوزارة بيتسلقو الابراج او بيتاعملو مع محطات التحويل .
وما اخلتفنا في فساد وفي رواتب خيالية بس ما يعاقب اللي راتبو 400 مع اللي بيوخد 4000 والا هي اضرب المربوط بيخاف الفلتان
وين العدالة؟؟؟؟

الى متى السكوت (خليكم ساكتين لكمان 30 سنة لأنوا ما طلع صوتكم من السبعينيات)
ومين حضرتك حتى تيجي بالهيئات المستقلة ما هاي الهيئات قاعدة بتجيب دخل على خزينة الدولة وما بتكلف الحكومة أي أتعاب و قاعدة بتصرف رواتب لموظفين الحكومة ومنهم حضرتك الي بزيد عددهم عن 200000 مش عارف شو في داعي لهل التضخم الموجود بجهاز الحكومة وهية عبارة عن بطالة مقنعة إذا بدهم يبدوا الإصلاح لازم يكافحوا الترهل الإداري والواسطة و البطالة المقنعة الموجودة بمؤسسات القطاع العام الغير مستقلة لأنها عبأ على خزينة الدولة

يا عم انتا عايش بعالم افلاطوني خاص
وين هاي الارقام الي بتحكي فيها سابع عشر ورواتب خيالية؟

هيك ارقام بتشوفها بس عند بعض ناس وبكونو محطوطين حط وبواسطة لما نسمع عن موظفين برواتب 15000 دينار وبمسميات ابصر ايش وكيف
ولما ينشئو شي خمسين هيئة اعضائها برتية وراتب وزير ولما يعينو بنات في بعض المواقع رواتب عالية عشانهن برستيج
عيش بعالمك وشوف حالك ومشان الله سيب الناس بحالها والله ما حكو الا من جوع

وين هي الرواتب مساعد مدير عام35 سنة خدمة راتبه ما وصل 2000 دينار.انا مهندس صار لي 20 سنة خدمة الراتب الاجمالي 930 دينار بعد الخصم بوصل 811 دينار. والحمدلله بالوظيفة صابنا السكري والكلسترول والضغط. لا عمل اضافي لو رمشت الكهرباء يتصلوا فيك في اي وقت وبدون مقابل. نحن لسنا ضد زيادة رواتب كل العاملين في كافة المواقع سواء عام او خاص. تخفيض رواتب والله ولا دولة في العالم خفضت راتب موظف.

لا أحد يرفض اعادة الهيكلة او تصويب الأوضاع لكن المشكلة في طريقة الحكومة في اصدار القرارات بدون الانتهاء من اعداد الدراسة النهائية، لقد تم ايقاف كافة مستحقات الموظفين ولا يوجد هناك أي إعلان عن وضع تصحيحي حالي, على الحكومة وضع الشكل النهائي للهيكلة الجديدة ومناقشتها مع جميع الجهات القانونية والادارية ثم يتم بعد ذلك اصدار القرارات التصحيحية.

هنال موظفين كتبوا على نفسهم شيكات معتمدين على صندوق الادخار الذي سيصرف لهم مستحقاتهم خلال أيام، ماذا سيحل بهم؟
هناك موظفين تم الموافقة على منحهم قرض اسكان على ان يتم صرفه في الايام القادمة وبالفعل قاموا بدفع ما يملكون مقدما لشقق، واذا لم يستكملو ثمن هذه الشقق سيضيع ما دفعوه !!

هذه المستحقات التي اوقفها رئيس الوزراء متفق عليها في القانون المعمول به في الشركة، كيف يتم تعطيل القانون بين ليلة وضحاها وبدون التناقش مع مجالس ادارة هذه الشركات؟

يا جماعة اتقوا الله. موظفون قاموا بمهمات رسمية لم يأخذوا مياوماتهم منذ اكثر من 10 اشهر عندما طبق نظام الانتقال والسفر على المؤسسات المستقله . مياومة الى الصين ياجماعة ليلتها ب23 دينار ولم تصرف بعد . مياومة تدريبية للدول من النوع ب لا تزيد عن 56 دينار لكل ليلة لأول اسبوع و11.5 دينار ما زاد عن ذلك تدفع منها المنامة في الفندق والتنقلات (عدا تذكرة الطيران) ورسوم تأشيرة والأكل طز بهيك طلعة

الله اكبر ماكلين الدنيا ورواتبكم فلكيه..........اعرفو ان الله حق........دقت ساعة العدل

يا سوسو

قبل ما تحكي بشي انتي مو عارفاه ،تأكدي(وان جاءكم فاسق بنبأ فتبينوا ان تصيبوا قوما بجهالة فتصبحوا على ما فعلتم نادمين) صدق الله العظيم
صار لي بالشركة 19 سنة ............وراتبي الأساسي 549 دينار تحت خط الفقر بكثير . حاليا راتب البداية لأي موظف في أي مكان لا يقل عن 350 أو 400 وبعد 19 سنة كام راح يصير راتبه .. وين العدالة ..... تعالي اشتغلي مكاننا الشغل اللي بنشتغله ......... ما اعتقد بتقبلي بهذا الراتب وإلا هي فراغة عين .... بدك اللي إلك وعينك على اللي في ايد غيرك صدقيني ربنا ما راح يباركلك بشي وإحنا رغم رواتبنا القليلة ربنا مباركلنا فيه بس انتي ما بعرف إذا رب العالمين راح يباركلك او لا

اخواني واخواتي كلنا واقعين تحت نفس العصا وبدل من ان نحسد ونحقد على بعضنا يجب الوقوف صفا واحد ضد اي قرار فيه ظلم للعمال في جميع القطاعات

كمان ان هناك فرق بين الغباء وصناعة الغباء هناك فرق بين الفوضى وصناعة الفوضى ايضا هناك فرق بين الفساد وصناعة الفساد.

ومن دهنو سقيلو
هلا عمي

لو الجماعة يخففوا سرقة ...بصير في وفر بالميزانية .....يا عمي عيب عليكوا ....لاحقوا الحرامية الكبار بدل من هالتفاهات ....اللي سرقة شاهين و شركاة كتير اكتر من هالرواتب لسنين ....و صحة ..هيو بسكر و مبسوط بلندن ....زلام و جيبوا و االلة شاهين و قصتة متل الجلبي و بنك البترا .....يلا تشاطر يا بخيت و جيبوا هو و كل الحرامية و عيد حسابات الميزانية و فكر كيف بدك تصرف الفائض بدل ما تبلش بالموظفين المسخمين ...و اللة عيب اللي بصير

السؤال الذي سيطرح...
هل عملية الهيكله ستدفع بعجلة الاقتصاد الى الامام؟؟؟؟؟
وحسب المعادله الوظيفيه التاليه يكون الجواب :
موظف مقحوط(مهيكل)+اقتصاد نامي(حسب معطياتكم) = موظف شحاد

إعادة الهيكلة كلفت 77 مليون، طبعاً أكيد مستشارين من برة أجانب انجليز أو أمريكان ، وأكيد الجماعة المشرفين على التطبيق سافروا سري مري عشان يتدربوا على الهيكلة الجديدة، أكيد درجة أولى بالظائرة وماخذين المدام معهم حرام ما هو الأخ ماخذ غرفة بالاوتيل ماخذ طبعاً 5 ستار.
يا جماعة بكفي مسخرة قال أعطوا الموظفين 20 ليرة زيادة، والآن بدهم ياخذوا الامتيازات ويخلوا ال 20 ليرة. يا دولة الرئيس عدم المآخذة قديش راتبك انت، انت موظف دولة زينا. بكفي تمثليات اعرفوا الفساد الحقيقي وين ووقفوه باختصار.