تخلف وهمجيه وبلطجة فكريه وللاسف امام صرح علمي مميز ...اقل عقاب الفصل
بكره بيصيروا يترجوا و يطلعوا اعتصامات لانهم فصلوا من الجامعات ، مهو اللي ذابحنا الواسطات العشائرية عند ايقاع العقوبات على الطلبة، و اللي بقهرك انه اللي بدافع عنهم ما بمون على هيك طلاب
لبسنا ثوب الحضارة والعقول ما زالت جاهلية
الله يحييهم شباب الوطن. كسروا كل شي بطريكو ولا يهمكو على حسابكو البلد واللي فيها. بس بدنا فيديو بلكي عملنا مسلسل باب الجامعة بدل باب الحارة
امبارح طريق المطار واليوم الجامعة بكرة ..... مسخرة المساخر
احلى شباب ... هاي هي نتيجة المكرمات .
بدخلوا على الجامعات ببلاش وبمضوا الوقت بصبصة على البنات و طوشات وتكسير ومشاكل .
ليش لأ يا عمي ؟ مهي الواسطة جاهزة وبترجعه على الجامعة معزز مكرم .
حسرتي على اللي ما اله واسطة وبسابق الزمن يخلص دراسة عشان يريح اهله من مصروفه .
3la rase kol el3sha2r el fe jordan
1- taskeer shware3 w 7r2 kawshok
2- kol eshe bdhm eyah bel 5awa w '3sbn 3n ras el dawleh
3- toshe bel jam3a w awal she b3mloh takseer
4- 3shaeer btsker tre2 3lshan baldya fe el jnoob
5- 3saheer btskeer tre2 fe s7ab+el mwagar kman 3lshan baldya
had bshrfkm sho esmo ento akeed 3arfeen bshrfkm fkona mn entma2 w wla2 ento bt7bo el flos w wastat w lazem y3toko kol she
ro70 shofo el nas kef 3aysheen bra.................................
شكرا تعليق رقم 9 والصحيح انه معظم المشاركين بالمشاجره هم من ينتفعون مكرمة الديوان الو العشائر او مكرمات القوات المسلحه ولو كانوا اهاليهم بدفعوا زي باقي الناس لما تجراو وعملوا مشاكل - لذا وبناء عليه يجب فورا
ايقاف مايسمى بالمكرمات الا لمن يستحقها وبعكس ذلك فان الظلم عواقبه وخيمه وشكرا تجرمات سوا
يا اخي كلنا ولاد هالوطن وكلنا ولاد عشائر بس بدنا حل , والله عيب على هيك دولة يعني بتسودوا الوجه. وبالاخير بتلاقي المشكلة على بنت او واحد سب على عشيرة ثاني.
I can not believe, those uncivilized and savage human being, they are not deserve to be college students and they should be expelled from the university, they should know that the school belong to the people of Jordan.
كويس اللي ما شافتهم كاميرا الجزيرة لكانت سوتهم الثوار الأردنيين السلميين المطالبين بالحرية والديمقراطية ..... وساعتها لحِّق فبركة وافلام وشهود عيان !!!
كل هذه الأمور التي تحدث في الجامعه هي نتاج طبيعي لفشل سياسات رئيس الجامعه الطويسي ونوابه، جامعه بدأت تفشل مع قدوم الطويسي، صاحب نظريه الواسطه قبل التفوق.
و هكذا يعرف العالم سبب فشل الجامعات الاردنية من منافسة جامعة اكسفورد و كيمبريدج و سنت اندروز و كينغز كولج و الخ.... يعني بدي افهم يا نواب و يا اعيان، التعديلات الدستورية التي منعت مزدوجي الجنسية من استلام مراكز اتخاذ القرار المتعلمين في الخارج، هل ستعطون هذه المراكز لخرجي الجامعات الاردنية هؤولاء؟ بكرة يا جماعة بكون في عشاء في وزارة الخارجية بشرف رئيس دولة ما ولا فجأة يبدأ وزير الخارجية (خريج الجامعات الاردنية) يكسر الصحون على راس ممثل الديوان الملكي (خريج جامعة اردنية) لأنه من عشيرة ثانية و بيناتهم مشاكل. كاسك يا وطني. وقعت و ما حدا صلى عليك. فضحتونا . الغلط مش عليكم، الغلط على المكرمات و الواسطات التي حرمت العقلاء من دخول الجامعة بدل منكم.
اسئل هم طلاب جامعه .والله عيب اللي يصير .
بحكوا طلاب جامعات الواحد منهم ما بصدق هو يخلص توجيهي مشان يروح على الجامعة وبعدين بعمل طوش والله اعلم على ايش وهو على قلم وهو على دفتر هو على بن................... (اشي بوطي الراس) :P
ولا يهمكم يا شباب . ادربوا على الجامعة اليوم عشان بكرة تكسروا البلد.انتو اللي بدكم تصيروا نواب و اعيان و وزراء بدل من مزوجي الجنسية؟ يا مصيبتاه. والله بدكم سجون بدكمش جامعات.
وهيك الجامهة الأم اللي الها سمعتها
والله يجيرنا من الاعظم
طالب توجيهي كان بيتمنى يدخل الجامعة الاردنية بس خالص مش ناقصه يجي ضربة يروح فيها صار بدهيروح بلا جامعة اردنية بلا ..............
والله يا معلق رقم 17 ضربت على الوجع. صح كلامك.
نقل لي احد موظفي الجامعة ( على ذمته ) ان سبب المشاجرة لا علاقة له( بالارض او العرض )بل نتيجة تفاخر احد الشباب بعشيرته وبأنها العشيرة الاكبر في الاردن وان باقي العشائر (اي كلام ) مما حدى بأحد الشباب من عشيرة اخرى للرد عليه مفاخرا بعشيرته ايضاً وبأنهم الوحيدون في الاردن اللذين حاربوا الانجليز وهاجموا مدرعات الجيش الانجليزي بسيوفهم, وما لبث ان تحول النقاش الى مشاجرة بين الشابين ولاحقا تطور الى مشاجرة جماعية بين ابناء العشيرتين .
اكاد اجزم ان من بين هؤلاء الشباب من خرج في مسيرات المعارضة المطالبة بالاصلاحات وان من بينهم من شارك في مسيرات الانتماء والولاء وان من بينهم من اذا تحدث في الاخلاق والمثاليات سيكون مبرزاً وان من بينهم من اذا تحدث في الوطنية وحب الوطن سيكون خطيباً مفوهاً وان من بينهم من اذا تحدث في الوحدة الوطنية تسيل دموع المستمعين اليه ... وتاليها مشاجرة عشائرية وفي صرح علمي متميز .
انا الان على يقين ان مشاكل الاردن جميعها تنبع من الشعب الاردني وحده ولا علاقة لامريكا او اسرائيل او اي جهة خارجية فيها .. اليس الوزراء والنواب والاعيان اردنيون وخرجوا من رحم الشعب الاردني .. ان هذا الشعب وانا واحد منه مصابون بانفصام وعلل نفسية يعجز عن حلها فرويد .. احد الاشخاص ممن وصل الى منصب امين عام احدى الوزارات شاهدته بأم عيني وهو يلقي دروساً دينية في شهر رمضان في فترة قبل الغروب ثم تبين بعد حين انه حرامي .. واعرف شخصياً احد الاشخاص المعروفين بالدوام على صلاة الجماعة واذا تحدث عن الجار وحق الجار على الجار .. تسيل دموع من يستمع اليه وتبين فيما بعد انه على علاقة غير شريفة مع احدى جاراته . اذا بقينا على هذا الحال فإن الايام القادمة لا تبشر بخير .. واسأل الله حسن الختام .
درست في اربع جامعات عربيه وغربيه. الشهادة لله ان الجامعه الاردنيه كانت الاسوا بينهم على الاطلاق من حيث احترام الاستاذ للطالب او الطالب لزميله او الاستاذ, وعقد نفسيه رهيبه يعاني منها كثير من الطلاب . اشد ما ادهشني هو كيف يتلقى الطالب البهدله من الاستاذ برحابة صدر , او كيف يستقوي دكتور على زميله الدكتور بكونه مدعوم!
what is the relationship between what happened and the scholarship (almakrama) there are many people want to hint to something that we all know and realize , almakrama was found to whom they served the country and sacrificed by their soul , by this way you are harming the unit country by this provocative statement that include many hints and a lot of discrimination against whom
نعم حديثك عن الجامعة صحيح وهاد الي صار معي تعال ع معهد الاثار وشوف احزاب بين الدكاترة وكل واحد بستنى الثاني ع غلطة ولا كمان دكاترة من زمن 1910 يعني اعمارهم تجاوزت الابداع والعطاء في التعليم والتربية وابرز مشكلة اعاني منها اني تقدمت لوظيفة الان في هذا المعهد والعميد كذب وانكر الشروط كلها من اجل شخص معين انا اعرفة بده يعينه في هذه الوظيفة........
اطالب جلالة الملك بإغلاق الجامعة الاردنية. لان فيها دكاترة غير اكفاء. و طلاب غير اكاديمين هناك بالواسطة. و ادارة غير مهنية في ادارة الجامعة بسبب الواسطات و التعيينات. هذه الشعرة التي قصمت ظهر البعير. يكفي مزاودة على الشعب. فالفساد منتشر في مؤسساتنا و محاكمنا بسبب الواسطة و العشائرية. جامعاتنا مليئة بالدكاترة غير الاكفاء و الطلاب الزعران الذين لم يستحقوا مقاعدهم في جامعاتنا. لكن ننظر ان الطلاب الاكفاء يذهبون الى العمل بسبب عدم امكانيتهم الحصول على مقاعد في الجامعة لان الطلاب الفاشلين يأخذونها منهم بسبب الواسطة. فقعنا يا جلالة الملك. طفح الكيل بكل اردني بسبب ما يحصل في اردننا. الله اكبر على هيك مؤسسات. الله اكبر على هيك حكومة.الله اكبر على هيك محاكم. الله اكبر على هيك جامعات. و طاهر حكمت و نوابنا و اعياننا تخلصوا من الاردنيين مزدوجي الجنسية ليحل محلهم هؤولاء يا جلالة الملك؟
الرد على تعليق