احمد جبريل الخادم عند اسياده في النظام السوري في العام 1976 في الحرب اللبنانية وحين دخلت سوريا الى لبنان لانقاذ حزب الكتائب وجه احمد جبريل بنادقه الى صدور الفلسطينيين واللبنانيين الشرفاء في تحالفه مع نظام الاسد مما ادى الى انشقاق تنظيمه وكان المقاتلون المنشقون بقيادة طلعت يعقوب وابو العباس 

مهما كان اصله رحمه الله فقد كان من جيل الزعماء العمالقه وكان يمتلك سحرا وكاريزما تجلب اليه حتى مخالفيه وهو بالف مره افضل من مخالفيه الان

عرفات كان اكبر خائن للقضية ولن ننسى ما فعله بالاردن في نهاية الستينات من القرن الماضي هو وزبانيته، وقصة ياهوديته قديمــــــــــــــة جداً

أحمد جبريل ذكر معلوماته في مقابلات وروايات متلفزة وقد قال هذا الكلام للمرحوم فيصل الحسيني .

يهودي ام اسكندنافي ليس مهما ,الثورة والنضال امميان , يا عرب , ثم يا اخ ماهر ما همية مقالك وما هدفه الان ؟ هل مناقشه اصول عرفات قضية الساعة ؟ هذا ايحاء وتشكيك بتاريخ نضالي طويل كان عرفات احد عنواوينه , لا يمكن تجاهل ذلك ,ثم مهما كانت اصولك ما علاقة ذلك بمواقفك وهل مقالك لخدمة القضية ام "فتح جديد" في خلط الاوراق من جديد -هذا بالضبط -لخدمة هدف سلبي ! يا ماهر هذه كتابه على الماء !!الشعب الفلسطيني معني بما هو اهم والشعب الاردني مهتم بما يعنيه!! يمكنكم الكتابه من قطر مباشرة ومن فندق "خمس نجوم " ربما من الفندق الذي اغتيل فيه المبحوح مثلا !! يمكنك ان تحاول اغتيال الحقيقة من هناك .

الله........ يا عرب تركتوا الاحياء وصرتوا تنبشوا بقبور الاموات .ذبحوا الزلمه وقال يهودي .اسرائيل تبدل زلمها بالاف فكيف يقتلون زلمهم .يا حسافه عليكوا يا عرب .

انا ملاحظ انه ياستاذ ماهر مقالاتك بتهبط شوي شوي - هل وضع
الاردن والعالم العربي والحياه بشكل عام اثارة مثل هذا موضوع مالها
معنى واللي بقولوله النما ( ماعندك السالفه ) .

من يتهم أحمد جبريل لا يعلم أنه متمسك بالثوابت في تحرير فلسطين كامل فلسطين , بينما فتح حادت عن الطريق وقبلت الحلول الجزئيه . ولو كان هذا المطلوب لكان القبول بدوله فلسطينيه عام 67 ولم يحدث ما حدث من مصائب .

للعلم أمس اعلن عباس ان عدم قبول العرب بقرار التقسيم عام 47 كان خطاءَ تاريخياَ هذا القرار الذي رفضه أمين الحسيني وقتها .

دائما وابدا نحن العرب تتجه انضارنا الى الشكليات والقشور , فلان اصله عربي, وفلان من اب مسلم , والسوبر ستار كذا اخوه شهيد ................
لماذا لا تستطيع اعيننا ان تنظر ال اعمق من ذلك؟؟
على الرغم من كل ما قيل ويقال عن عرفات فانه سيبقى الوحيد الذي قال لامريكا لا
لقد كان في وقت ما حجر عثرة على المخططات الامريكية واليهوديةويجب ازالته وبالفعل هذا ما تم.

احيي المعلق رقم 5 واشد على يده , ليس هذا بالوقت المناسب لهكذا تفاهات
فهنالك ما هو اهم .

في البداية أود ان اقول رحم الله ياسرعرفات و غفر له و اسكنه فسيح جنانه.

بالنسبة لموضوع نسب ياسرعرفات ، بصراحة زهقنا من موضوع متل هيك أصله يهودي و أصله مغربي و مش عارف شو، و بعدين مع القصة هاي ايمتن الناس بدها تصير تفهم و ازا هو حسب ما بيحكوا انه عميل إسرائيل كيف وصلت معلومة متل هيك و بهاي الخطورة و اللي عرف انه عميل طيب بدنا نعرف الرقم السري للعميل بما انه صرتوا عارفين انه عميل أعطونا رقمه السري، مثلاً رأفت الهجان (رفعت الجمال) الجاسوس المصري البطل رقمه 313 ليش ابو عمار ما اله رقم. هاي شغله. الشعلة الثانية سواء كان أصله يهودي أو مسيحي أو مسلم شو رح تفرق معكم ما هو ما شا الله على المسلمين شو عملوا لقضية فلسطين أظن ما في داعي للخوض في شو عملوا الكل بيعرف.

كتير إشاعات طلعت على آل سعود انه أصولهم من يهود بني قينقاع أو بني قريظة ومش معنى ذلك أنهم عملاء لإسرائيل بالعكس في منهم رجل و هو الشهيد الملك فيصل الذي خسر حياته من اجل العرب و فلسطين و هو على كلام بعض الناس المتخلفين أصله يهودي


بالنسبة لياسر عرفات و فتح و رجالات فتح بشكل عام كانت سياستهم واضحة و هي أنهم واقعيين و مع التيار لأنه لو سبحوا ضد التيار رح يغرقوا. دخول فتح و ياسر عرفات اتفاقيات السلام كان له عدة أسباب و رح اشرحها في ردي، لكن اختصارها هو (ان لكل مرحلة ظروف) و لا يعني دخولهم اتفاقيات السلام خيانة و تواطؤ و مؤامرات على القضية الفلسطينية

هلأ زي ما هو معروف بدايات فتح كانت ثورية و نضال و كفاح مسلح و الهدف استرجاع فلسطين التي احتلت عام 1948 لأنه فتح تأسست بالـ 1965 و السؤال اللي بيطرح نفسه:

من عام 1948 إلى عام 1965 هل كان يوجد أي عملية فدائية أو أي حركة مقاومة ضد الاحتلال الإسرائيلي ؟؟؟؟ بالتأكيد لا. و راجعوا التاريخ مزبوط.

و السؤال الثاني هو: ليش إسرائيل تخلق شخصية ياسرعرفات عشان يقاتلها و هي بغنى عن وجوده أساسا لأنه ما كان هناك اصلاً من الفترة مثل ما حكيت من 1948 – 1965 كفاح مسلح أو أي مقاومة تذكر؟؟؟؟؟؟!!!!!!!!!

من الفترة من عام 1965 إلى عام 1967 يعني قبل الحرب، في اليوم الواحد اكتر من 10 عمليات فدائية ضد إسرائيل و كانت تطلع العمليات من الأردن. يعني العمليات ما كانت تزعج الكيان الصهيوني؟؟؟ و طبعاً معلوم للكل انه حرب الكرامة حدثت للقضاء على الفدائيين الفلسطينيين بسبب الكم الهائل من العمليات الفدائية.

شو مصلحة إسرائيل انه قضية فلسطين تكون معروفة للعالم اجمع و تلقى تأييد دولي و شعبي عالمي، هذا اللي قام فيه ياسر عرفات و رفاقه في الثورة الفلسطينية، مش أفضل لإسرائيل انه تكون قضية فلسطين مطموسة و ما حد يعرف فيها، ليش يجيبوا لحالهم وجع الرأس فهموني. هدا اللي صار في عام 1974 لما أبو عمار القي خطابه بالأمم المتحدة و صارت منظمة التحرير عضو مراقب في الأمم المتحدة. طبعاً بالإضافة العمليات الفدائية النوعية و من ضمنها عملية ميونخ اللي هزت العالم، و شعوب العالم بأكملها عرفت انه هناك شعب فلسطيني رازح تحت الاحتلال و له حق يطالب في استرداده كبقية شعوب العالم أثناء الاستعمار.

شو مصلحة إسرائيل انه الشعب الفلسطيني يتحول من لاجئين في المنفى إلى مقاتلين من اجل الحرية و هذا ما فعله ياسر عرفات و رفاقه في الثورة الفلسطينية.

ياسر عرفات قاتل ببيروت مدة 88 يوم، هدا اليهودي اللي بتحكوا عنه ولا دولة عربية أو مسلمة وقفت معاه، حتى سوريا حاربت 6 أيام في الحرب و اعلنت وقف اطلاق النار.

كان وقتها يدافع عن الامة العربية لحاله مع الثورة الفلسطينية ، بيجي واحد بيحكيلك اصلاً هو كان على مرمى المدفعية الإسرائيلية بس ما قتلوه لأنه عميل و خاين ، دخلك ليش ما قتلوا جورج حبش و ابو جهاد و ابو اياد و سعد صايل الله يرحمهم الجميع ليش ما قتلوهم بالحرب علماً انه ابو جهاد و ابو اياد و سعد صايل كانوا ميدانيين اكتر من ابو عمار بكتير كتير وليش ما قتلتهم المدفعية الإسرائيلية لأنهم عملاء لأسرائيل كمان ولاّ لأنهم من اصول يهودية أكيد احمد جبريل بيعرف بالموضوع هدا لأنه هو زلمة مختص بتاريخ العائلات الفلسطينية. (هزلت) احمد جبريل اللي لولا ابو عمار كان هلأ مقتول. و التاريخ بيشهد على ذلك.

و بعد الخروج من بيروت طبعاً اتهموا ياسر عرفات بأنه عميل و خاين كيف ينسحب من بيروت و يرضى بوقف اطلاق النار هاي خيانة عظمى كبرى و انشق من فتح عدد من قادة الصف الثاني (ابو موسى و نمر ابو صالح و خالد العملة) و أسسوا ما يسمى بـ (فتح الانتفاضة) و طبعاً احمد جبريل و الأسد دعموا الانقلاب على فتح ياسر عرفات.

و طبعاً الخروج من بيروت مو خيانة لأنه لو في قائد عربي شريف بوقتها كان على الأقل بعت شوي من جيشه ليدعم منظمة التحرير الفلسطينية في قتالها ضد 175 ألف جندي إسرائيلي بأحدث الأسلحة الأمريكية آنذاك يعني 3 أرباع الجيش الإسرائيلي ضد حوالي 8000 مقاتل فلسطيني و لبناني من الحركة الوطنية.
أمريكا و إسرائيل و اللبنانيين و العرب كانوا ضد منظمة التحرير بحرب بيروت و الضرب و القتل كان على المدنيين اللبنانيين و الفلسطينيين و لا حدا من العرب حرك ساكن ، مين العميل لليهود بالحالة هاي ابو عمار ولا العرب؟؟؟؟؟؟؟؟ فكان لا بد من الانسحاب.

أما بالنسبة للإدعاء انه ياسرعرفات كان السبب في مقتل الشهيد ابو جهاد، و طبعاً السبب انه ابو جهاد الله يرحمه شعبيته طغت على ياسرعرفات فعشان هيك ياسرعرفات أمر بقتله، اول اشي هذا سبب تافه لأنه ابو جهاد نفسه كان رافض انه يصير رئيس المنظمة و ابو اياد نفس الشيء و دليلي على ذلك لما تم اعتقال ياسرعرفات من قبل السوريين في الستينات كان بإمكانهم أنهم يتخلصوا من ياسرعرفات و يعينوا مثلاً ابو اياد أو ابو جهاد بس الكل رفض و صمموا على انه ياسرعرفات يكون القائد وبعد الانسحاب من بيروت انشق زي ما حكيت سابقاً بعض القادة من حركة فتح و مع ذلك صمم ابو جهاد و ابو اياد الوقوف بجانب ياسرعرفات و كان بإمكانهم ينضموا مع المنشقين بالأخص انه سوريا داعمة هذا الانشقاق و ابو جهاد الله يرحمه مو تافه للهدرجة عشان ياخد مكان ابو عمار لأنه زلمة يبحث عن الوحدة الوطنية ووحدة صف الشعب الفلسطيني و حركة فتح وهدا الشيء مدون بالتاريخ. هاي شغلة ، من ناحية تانية انتوا ناسيين ولا بتتناسوا انه الله يرحمه ابو جهاد اغتيل بتونس، كلامي معناه كيف المخابرات التونسية سمحت للكوماندوز الاسرائيلي الدخول على اراضيها؟؟؟؟؟؟؟ اظن الصورة واضحة للي بدو يفكر.

و في ادعاء آخر و هو انه ياسر عرفات كان وراء اغتيال الشهيد سعد صايل (ابو الوليد) و السبب انه الشهيد ابو الوليد عارض ابو عمار في الانسحاب من بيروت، طيب ما كان أولى بياسر عرفات انه يغتال المنشقين من حركة فتح و اللي فعلاً شكلوا خطر فعلي عليه و اللي هم (ابو موسى و نمر ابو صالح و خالد العملة) و ما بعرف ازا الكل بيعرف انه سعد صايل استشهد عند حاجز (للقوات السورية) و على الاغلب السوريين اللي اغتالوا الشهيد سعد صايل عشان يلغوا اشي اسمه فتح ياسر عرفات من بيروت و يخلى الجو للسوريين و المنشقين و الشعبية – القيادة العامة لتنفيذ الانقلاب على ياسر عرفات، وجود سعد صايل كان بمنع كتير شغلات على المنشقين و سوريا و طبعاً معروف مين هو سعد صايل (مارشال بيروت) الله يرحمه.

ياسرعرفات لم يؤيد صدام حسين في احتلال الكويت و إنما كان ضد التدخل الأجنبي في فض النزاعات العربية و كان هو ضد احتلال العراق للكويت و لكن ضد التدخل الأجنبي في تحرير الكويت، و الإخوة العرب طبعاً لعبوا اللعبة صح و صفوا مع أمريكا و الدول الأجنبية الأخرى التي شاركت في الحرب على العراق، باستثناء الاردن و ليبيا و اليمن و في كم دولة ناسيهم. و منظمة التحرير خسرت مصداقيتها بين الأشقاء العرب.

وصول المنظمة إلى السلام و أوسلو كان سببه الرئيسي و المباشر هو العرب لأنه المنظمة خسرت قواعدها ببيروت و السبب العرب لأنهم لم يقفوا بجانب ياسرعرفات في حرب بيروت
1982 . فكان لابد من الانسحاب من بيروت للأسباب التي ذكرت.

خسرت المنظمة قوتها الاقتصادية بالكويت و الخليج و السبب العرب لأنهم اعتبروا ياسرعرفات مؤيد لصدام حسين مع انه أعلن رأيه بوضوح انه ضد احتلال الكويت و ضد التدخل الأجنبي ضد العراق. برأيكم شو الحل ننهي المسألة الفلسطينية و نرجع قبل عام 1965 لا يوجد مقاومة للإحتلال بالأخص انه اليهود صفوا جميع القادة العسكريين اللي بفتح متل ابو جهاد و ابو اياد (و اللي اغتاله صبري البنا – ابو نضال) يعني كسرت شوكة ياسرعرفات بفقدان جناحيه ابو اياد و ابو جهاد. لم تقوم إسرائيل باغتيال عرفات لأنها تريد قائد ضعيف و ينفذ مطالبهم و قتلت الأخطر من ياسر عرفات، مش لأنه عميل لإسرائيل و خاين، طبعاً رح تحكوا ليش ما اغتالت ياسر عرفات من مرة و خلصت من اشي اسمه منظمة ، رح ارد، ليش ما اغتالت القيادات الفلسطينية أثناء غزو بيروت و خلصت من اشي اسمه منظمة هداك الوقت؟؟ ولاَ كانت محتاجة للقيادات الأخرى في فترة ما بعد حرب بيروت ؟؟؟؟ خليكم منطقيين وواقعيين.

و من المعروف انه فتح كانت بدها حل الدولتين بجميع قيادتها و على رأسها ابو جهاد و ابو اياد، و السبب انه متل ما حكيت لكل مرحلة ظروفها و فتح سياستها واقعية و أدركت من البداية انه لابد من حل الدولتين في ظل تخاذل عربي واضح للجميع، فكان لا بد من استقلالية القرار الفلسطيني و السبب هو انه القضية لما كانت بإيد العرب، فلسطين ضاعت عام 1948 و عام 1967 بسبب التخاذل العربي، رح تحكوا ياسر عرفات ضيعها بزيادة ، و انا بحكي ياسر عرفات حافظ على المتبقي منها و ما تنازل عن القضية لحتى ما اغتيل.

و بالآخر ذهب عرفات إلى كامب ديفيد و طلبوا منه التنازل عن قرار (194) و هو حق عودة اللاجئين مع التعويض وطلبوا منه التنازل عن القدس، و طبعاً الكل عارف انه رفض و خسر حياته بالأخير بالسم لأنهم اغتالوه بعد الحصار.

بوجود ياسرعرفات كان هناك الوحدة الوطنية بين أبناء فلسطين مسيحيين و مسلمين من فتح و من حماس و من جميع المنظمات. ولو كان موجود حالياً كان ما في احد استرجى يحكي فتح و حماس و حرب متل اللي صارت وهذا مشهود في التاريخ.

و في النهاية حابب احكي شغلة و هي انه ياسرعرفات لم يكن نبياً او ملاك و معصوم عن الخطأ ياسر عرفات له العديد من الاخطاء ما في حدا منصف ينكر انه عرفات لديه حسنات و لديه سيئات. كونوا منصفين و قارئين للتاريخ ولا تكونوا اغبياااااااااء.

و السلام مسك الختام