قال بدهم مستشفى عسكري في معان .. ما رح تستفيدوا اي اذا المدينه الطبيه صارت مثل حسبة الخضار في السوق المركزي ..
حتى تاخد موعد بنقعد اشهر واشهر حتى تراجع واشهر لفحص المختبر ووتحصيل دور الصور الشعاعيه امل ابليس بالجنه وانك تحصل دور وبدك تصف بطابور التسول للحصول على الادويه ..
وكله كوم وقلبة بوز العاملين كوم كل واحد بوزه بتلاقي شبرين قدم نيعه ومش شايف حد قدامه وقرفان وزهقان ومتململ من هالمرضى يلي مش قد المقام وبتدخل على العيادت يلي هي متر في مترين ومن غير تهويه يعني بتكون في مرض بعد هالحشرة والانتظار والمعاملة بتطلع معك ضغط دم ونوبه قلبيه واهدار للكرامة ..
المدينه الطبيه هلا غير ايام زمان هلا فقط للدفيعه ويلي بيجوا يتعالجوا من خارج الاردن ومع ذلك كلها على بعضها خرابه ..
هو المقصود انهم يخربوه عشان يبيعوها .. بس شاطرين يتطحوا ويتفزلوا ويرسلوا مستشفيات ميدانيه الاكبر بالعالم لليبيا وافغانستان والعراق وجنين ورام الله ..الخ من بلاد الله الواسعه والعسكري والمتقاعد المسخم هو وعائلته الله لا يقيم عنه شده وخليه يموت بمرضه وبحسرته ويلعن ابو يلي نفضه .
بس شاطرين ينفخوا فينا العسكر السواعدوالزنود السمر والنشامى وبس يتقاعد او يمرض هالنشمي ابو السواعد السمر بحكولوا اقلب وجهك .

الاردن يعاني من نقص في الاطباء والكوادر الطبيه وتدني مستوى الخدمات الصحيه.وهجرة الاطباء بسبب سوء المعامله من الحكومه وتدني الاجور وضغط المراجعين وووووو....وبعد كل هالحكي الحكومه بتحكي سوف نحسن المستشفيات والاجور والخدمات وووو...وكل حكي فاضي يا حكومة سوف !!!!!!! لازم نهاجر عشان الحكومه ترتاح..