رايحين يتعلموا ... ولا رايحين يتزعرنوا ؟؟؟؟
أمة قرفت واشمأزت من جهلها الأمم. شباب المستقبل، زعران جهلة أعمتهم العصبية وأعادتهم قرونا إلى عصور الظلام.
وين السيد ناهض حتر يحللنا اسباب العصبية العشائرية والعنف الطلابي؟؟ اكيد رح يخلص الى انه اسبابه التوطين والمحاصصة والمواطنة والعدالة المنشودة وحل تلك المشاكل العشائرية تكمن بقوننة فك الارتباط وسحب الجنسيات من اكثر من نصف المجتمع وبعده بكون للعبابيد جامعة يسرحون ويمرحون بها وللسلطية جامعة اخرى ولكل قبيلة كبيرة وحلفائها من العشائر جامعة وبذلك نخلص من العنف الطلابي
ودمتم
كطالب في جامعة البلقاء التطبيقية من سنة 2007 ولحد الآن, لازم احكي الحق.. يعني من 2007 للـ2010 ولا شفت أي طوشة بالجامعة أبداً, لحد شهر 4 2010 لما صارت اول مشكلة بين السلطية والعبابيد, وبعدين فجأة اشتعلت المشاكل مع بداية الحراك, واللي باعتقادي الخاص انه يتم تحريكه من ايادي حكومية ورسمية لاضعاف الحراك الشعبي واثبات فشله أمام العشائرية والمناطقية المتجذرة في فئة قليلة ومسلحة من الشعب الأردني.. والى من يقول ان السلط لا تصلح مكاناً لجامعة, عزيزي بحب أحكيلك تصلح ونص, ليس تعصباً أو غير ذلك, ولكن أم المدارس الأردنية والتي خرجت كل رجالات الدولة الأردنية الأوائل هي مدرسة السلط الثانوية..
حي النشامى .... الله حيهم ... هيك المواطنة والا فلا...وللاخ السلطي العلماني المحترم انما اصل الفتى ما قد حصل ،فأجدادنا وصلوا بلاط الشهداء واقاصي الهند ونحن الان نستنجد بالاستعمار ،والله وضع يندى له الجبين.زمان كنا نفتخر بالعرب والعروبة ...هل يعود ذلك الزمان ؟؟؟ اشك في ذلك لقد لطخنا الذهب الاسود فاسودت عقولنا وقلوبنا اللهم عجل بنهاية عصر الذهب الاسود.....ورجاله.
انا شخصيا" ضد التدخل الاجنبي البري ولاكنني مع تدخل طائرات النيتو :cry: :cry:
ليش تروح بعيد يا جلعاد.. مش هيك عملت الحكومة السابقة في البلديات.. كل ما خمسة يطلعوا يسكروا الشارع بيعطوهم بلدية..
يا إخوان إنتوا أهل.. مش كل ما اثنين اتهاوشوا لازم تدق القبايل في بعض.. أي والله عيب.. مش هيك مفهوم القبيلة.. القبيلة بتحمي ابنها من الظلم والجور بس ما بتحمي الزعران
عندكوا اياهم خليها تولع وازا ما ولعت نار ما بتولع . همه بالجامعات التانيه اشطر من البلقاء التطبيقيه . ازا كان بالجامعات التانيه ضرب حجار وئناوي .هون ما بحلا غير النار . وهونه الزلم. بكره رح يسمعوا مين هيه الجامعه الئويه اللي بتخرج طلاب زلم .
خلي الطلاب اللي بالجامعات التانيه يتعلموا كيف ووين المراجل . بس انا عيني على جامعه خايفه انهم طلابهم يتفوئوا علينا ويعملوا طوشه وما يخلوا فيها لا اخضر ولا يابس . هيك رح تكون الصداره الهم . لكن انا بعرف طلابنا ماشاالله عليهم اكيد مش رايحيين يعطوا مجال لحدا ورح يتفوئوا عالكل بالضرب والطخ والصلخ وما رح يظل لوح ازاز واحد صامد .ولا شجره مزروعه . لانه احنا طلاب البلقاء عارفين مين في ورانا في ورانا زلم شو ما عملنا رح يساعدونا
اللي من ايده الله يزيده اذا بدكم هالبلد زي الصومال وسوريا وليبيا واليمن والعراق خربوها وقعدوا على تلها يا اوباش يا متخلفين.
ترى متى تحل مشكلة العنف في جامعة البلقاء؟ ترى لماذا تختص جامعة البلقاء بخاصية حروب ضد من هو غير بلقاوي من السلط؟ ترى لماذا تتمتع الجانعات الاردنية الاخرى في مختلف مناطق المملكة بالحضاريه اكثر من هذه الجامعه ؟ ترى هل يجب ان يتدخل جلالة الملك شخصيا لحل المشكله؟
ترى متى يحس ابناؤنا بالامان في جامعة البلقاء؟ ترى متى يكون ابناؤنا بوضع يمكنهم من تسجيل موادهم كما يريدون دون محسوبيات من الدكاتره بالتدريس والعلامات ومن موظفي التسجيل والقبول؟ ترى ها تستحق هذه الجامعه اسم جامعه؟ ترى هل نقل الجامعه الى مدينة اخرى يكون حلا مثاليا لتخليصها من مشاكل القرون الوسطى ؟ حلم اتمنى ان يتحقق . مجرد حلم واتمنى ان تحلم الحكومة معي .
الرد على تعليق