الجواب؛ وجود مسؤولين يجرؤون على اتخاذ القرار السليم وإنقاذ العاصمة حتى تحت تهديد ان يكون مصيرهم "الجويدة"

بدهم يانا نصير مثل مدينة القاهرة ... . 14 مليون ليس مبلغ ضخم حتى تعلو هذة المعارضة من خلال اللذين لا يفهمون ان عمر هذة السيارات التشغيلي قد انتهى .

العجز في الموازنة مرده الى قيام الكيلاني بتعيين ما يزيد عن 2000 موظف وموظفة في فترة توليه المنصب.

وهل تعلم بان عدد باصات الامانة التي كانت تقل موظفين الامانةمن السلط كانت باصين اما على دور الكيلاني فقد اصبحت سبعة باصات



وهل تعلم بان الامانة تستدين رواتب موظفيها بشكل شهري

وبتحكي عجز الامانةوعدم قدرة الامانة على شراء اليات.

ولماذا اصبحث عمان ...

يا جماعه والله عيب عيب علينا كلنا كأردنيين ان نقف متفرجين على الكارثة البيئية التي تصيب عاصمتنا الحبيبه اما انتم يا أمانه عمان يلي وصلتوا الامانه لوضع أصحبت عاجزه فيه عن خدمه مدينتها فحسبي الله ونعم الوكيل فيكم كلكم ، يا اخي استحوا على حالكم انتوا كلكم من الامانه بداية لديوان المحاسبه الي قاعد بتشاطر بس بدون نتائج ملموسه عيب والله عمرها ما كانت عمان في الوضع الي هي فيه حاليا اشي بخزي ، يا جماعه الموضوع صار بده هبه وطنيه لانقاذ عمان لانه غير هيك ما عاد ينفع كل واحد برمي على التاني وحل مافي ، كلكم عارفين انه كل ما ضل الوضع على ما هو عليه كل ما زادت مشاكل حله بعدين لانه الكارثه عم تكبر واحنا عم نتفرج .

والله يا اخوان نفسي لو عندي وقت وامكانيات ماديه اني اجيب قلاب وشويه عمال وكل يوم من الصبح الم الزباله بس بكفي من الي عم تتراكم حولين بيتنا واروح في القلاب اكبها على باب المسؤولين سواء كانوا امانه ولا ديوان محاسبه ولا رئيس وزرا كلهم قليلين منفعه للبلد صاروا ، ولكم يا اخي انتوا ما عم تشوفوا ولا ايش يا ناس احنا و ولادنا في خطر صرنا وكل ما تفاقم الوضع كل ما صار حله اصعب من متى كنا نشوف في عمان جراذين في الشوارع من متى كنا نشم في عمان ريحه الزباله كانها جوا بيتنا وانتوا يا امانه ويا ديوان المحاسبه قاعدين تلحموا في بعض على حسابنا على شو اذا بتاخدوا رواتبكم حللوها يا اخي ، على شو بتلموا ضرايب ورسوم ترخيص مباني ورخصن مهن واذون اشغال ومصاري تحت مسميات الها اول ما الها اخر وينه كله رايح ، ولكم اصحوا يا عالم اصحوا بكفي عميان ، عم تباطحوا بعض يا مسؤولين في موضوع عطاء شراء كابسات وحاويات لو انه اتنين مهندسين من شركة خاصه استلموه بحلوه فنيا في يوم يومين وبجيبوا للبلد كل الحلول الفنيه من افضل المصادر في العالم بكفي قرفتونا ، مو قادرين يا اخي بيعوا الامانه هاي تبعتكم للشعب اعملوها شركة مساهمه عامه بنشتري اسهمها والشعب بنتخب مجلس ادارتها والله غير تجيب ملايين لجيوب الناس مو لجيوبكم يا من نهب جيوب المواطن وما ضل عندكم قرش تصرفوه على خدمه المواطن ، طيب يا ترى انتوا يالي بتشتغلوا في خدمه الناس في الامانه بترضوا اخر الشهر ما ينصرف راتبكم طيب من وين راتبكم مهو من جيبنا اذا اصحوا وحسوا على دمكم وارحموا دم المواطن وجيبوا مصاري ونظفوا البلد يا حراميه ,
والله بتمنى من المواقع الالكترونيه الغيورين على مصلحة الوطن انها تشن حمله قويه واحنا لازم نكون وراهم كمواطنين تحت عنوان مثلا "انا وانت بننظف بلدنا" اهجموا على هالمرتزقه الطفيليين الي عايشين على جيبنا وظهرنا افضحوهم بالصور ورجوا الي عم بصير في عمان ورجوا المكاره الصحيه الي صارت في كل حي وفي كل شارع و كل زاروبه خليهم يا يحسوا على نفسهم يا ينقلعوا الله لا يرد اشكالهم علينا يا رب
وشكرا لموقعكم الكريم على النشر وياريت نقدر مع بعض نعمل شي ننقذ فيه عاصمتنا الحبيبة وكل مدن الأردن الغالية على قلوبنا من هيك مخلفات سواء كانت نفايات او أشخاص خلو نفسهم من ورا تصرفاتهم بنفس مرتبه النفايات

عيب ما يقرب من الفين طالب يحصلوا على مقاعد لا يستحقوها حتى كثير منهم تراهام يدرسون الثانويه في العاصمه وتحت هذه التسميه ياخذ مقعد لا يستحقه

هناك العجب العجاب اعرف ناس ابنهم درس توجيهي في احد الدول العربيه وسجل موازي طب لكي يحجز مقعد وبعدين تم تحويله الى طب على حساب مكرمة الجيش وعيش يا قديش

قال محاربة فساد
سلملي على البتنجان

اذا كثير منا اساس الفساد ومكيفين عليه كيف بدك تحارب الفساد
خلينا نحارب التصحر افيد النا

سؤال بريء : ليش ما يكون الموضوع انو قيادة امانة عمان تسعى للضغط على كل الاطراف من الدوله والمجتمع وديوان المحاسبه لتمرير عطاء الكابسات الجديده؟؟؟ لانو مش معقول بيوم وليله بطل في كابسات او اليات لازالة النفايات وتركمت الزباله في كل المناطق .. بكفي عبث بصحة المواطن وسمعة البلد ونظافتها لاجل صراعات خبيثه لا تخدم الا اطرافها .. يجب فضح ومعاقبة كل مسؤول يساهم بتدمير كل شيء جميل بالبلد .. وعلى الامانه ان صدق ناطقها الاعلامي ومسؤوليها كشف قوى الشد العكسي للزباله بالاسماء .. وع الحاويه ع الحاويه