يا ربي لك الحمد والشكر

والله طمنتونا يا كل الاردن

(هذا محل قرونها وممشط الراس / وهذا محل اصويحبي وحللي)

اذن يجب وقف الربيع العربي فورا في الاردن

وضعنا اصبح تمام التمام

بالله يا جماعة حد يوضحلنا تعريف الفساد عشان نقنع منظمة الشفافية العالمية انو احنا رقم واحد بالفساد بالعالم وخير دليل انو ما في حدا معين بوظيفة حكومية الا يكون مع واسطة .اغلب الطلاب الي بدرسوا بما يسما مكرمة ملكية بكون معو واسطة .والشيء المهم الي ما حد بعرفو اسئلو المستثمرين الاجانب بالاردن كم بنتصب عليهم من موظفين الدولة وكم بدفعو رشاوي عشان شغلهم يمشي بدون مشاكل والمهم انو بطلعوا خسرانيين كل مصاريهم وفي مليون قصة عن الفساد بالاردن بس خلينا ساكتين بلا ما ننحبس

يمكن الجماعة غلطانين احنا ترتيبنا لازم يكون الاول من حيث الشفافية والنزاهة..........

ما شاء الله وتبارك ... العين تطرق اللي يحسدونا... شو احسن من هالحال ؟ النتيجه ناجحين فش داعي لنواب ولا أعيان ولا مكافحة فساد...
أصلا الفساد في الأردن من راسه لأساسه كله اشاعات مغرضه ومندسه والدليل ان علامتنا 58 ناجح ومقبول في الجامعات الخاصه
ومسموح له يدرس ماجستير لو معه واسطه وبعثه كمان
وكمان بوصله الدعم من دولة ابو زهير الله يطول عمره وكذلك حكومته الرشيدة
وآه واف آه على وطناه
أخوكم زيزو

شكرا لحكومة النسور والطراونه والخصاونه والبخيت والرفاعي الحفيد على الإنجاز غير المسبوق والتغير الطفيف سببه الحراك الشعبي اللي مش عارف شو بده
وينك وينك يافساد...شعبناالك بالمرصاد
وتلولحي يا داليه...ياام غصون المايله
والفاسدين مندسين...راح نحلبهم السكين
.....................................

ول عليهم ما أظلمهم !!!
يعني لأننا ماشيين بتقوى الله وعلى الشريعه ، صار عندنا فساد ؟؟؟
يا عيب الشوم عليهم !!
قال تعالى ( وأحل الله البيع وحرم الربا )
اللي صار عنا : بيــــــــــــــــع وخصخصـــــــــــــه

فكروها الهبايل إنها حرمنــــه ، ولصلصــــــــــــه
ياعيب الشوم ،، اللي ما بعرف الصقـــر بشـــــــــــويه !!!

اكيد ما حسبو الفوسفات وموارد والعقبة والعبدلي والاراضي والامانة وامنية ودبي كابيتال ...الى اخر القائمة.

هو في الحقيقة مابقي شيء كله مباع والخزينه مفلسه، كيف بدو يكون فساد

عنقر بوريتك عالفساد

13 مليون دينار رواتب 1200 موظف في الضمان الاجتماعي شهريا..

20 الف دينار شهريا راتب مدير عام مؤسسة الضمان الاجتماعي .

19 الف دينار شهريا راتب مدير شركة تطوير المفرق .

20 الف دينار شهريا راتب مدير شركة تطوير العقبه.

18 الف دينار شهريا راتب رئيس مجلس إدارة شركة الخطوط البحرية الوطنية .

14 الف دينار شهريا راتب مديرة متحف الاطفال .

9 الاف دينار شهريا راتب رئيس مركز ايداع الاوراق الماليه

يا اخوان ما ظل في مصاري عشان تنسرق

*- لا يوجد مشروع واحد في الاردن لم يخلوا من فساد ,,,, فمن وين جاءوا بال 48 نقطة !!!!!!!!
عرفت , ال 48 نقطة مساعدات خارجية تزويرية , راح نسددها بالانتخابات .

فقط لانك استحلفتنا بالله
اقتباس
مامعنى الفساد
(التعريف المعتمد بهذا الصدد هو ذلك الذي استخدمته ولاول مره مؤسسة البنك الدولي العالمي وعتمد في جميع الكتابات
استخدام الوظيفه العامه لتحقيق منافع خاصه او الاستغلال السيء للوظيفه العامه مثل العمولات الرشاوي التهرب الضريبي تهريب الاموال الغش الحمركي او التهرب من الجمارك افشاء اسرار العقود والصفقات والواسطه والمحسوبيه في الوظائف العامه)
طبعا كل الشروط المذكوره في هذا التعريف مطبقينها في حذافيرها ولا نترك للفساد اي ممسك او اي مجال بان يعتب علينا ومع سدر منسف بلجميد التركي او السوري والحم على اساس انه بلدي بس هو في الواقع استرالي فقظ الراس من الممكن ان يكون بلدي لان عيون الاسترالي زرق ممكن ينكشف الطابق والرز مصري لان البسمتي ماينفع للمنسف

يا جماعة طولو بالكو التقرير صحيح
رقم 58
يعني في 58 شخص فاسد
تاعين الهبرات الكبيرة فقط
او
يمكن منظمة الشفافية
استندت على تبرئة مجلس النواب لقضايا الفساد... فما عنا فساد

ترتيب الفيفا هذا مش مزبوط لان صندوق النقد هو المفسد وبوجود المدرب حمد والشباب اكيد رح يتقدم اكم نقطه اما اربعة عربيا هذا الحكي في منه اذا ما لعبنا ذهاب وعودة فاكيد رح نصل لنصف النهائي ويمكن نوخذ الكاس
ونرفع رايةالفساد عاليا.يستاهل 4 جيد.

في بعض الناس ما بلبلقهم وطن اسمه الاردن .

والله اللي صدروا التقريرجماعه مساكين مابعرفوا يشتغلوا يا جماعه احنا اكثر دوله نزيهه في العالم واللي مش مصدق يسال عنااحناماعنا فساد هاي مؤامره صهيونيه والكذب ملح الرجال.