أأأأه على وجع الوطن ما في اصعب منه ما أله دواء وجعنا على وطن انذبح من المارقين عليه.

الله يرحم ابوك يا احمد والله انك بتفرج عننا وترجعنا لجذورنا مع سوالف فزه وكرمه وابو يحي!

لقد اضحكتنا رغم الغصة في صدورنا!!

ان اشد مايؤلمني هو الفساد الذي نخر الاردن واودى به الى مهاوي الردى والسحيجة لاهون لايدرون ماذا يحيق بهم ، الذئاب اعتدت على الكرم وعلثت به فسادا والناطور نائم لايحس بشيئ .

الله لا يوجسلك يا زعبي والله ضحكتني عالصبح وانا مكتئب .بس فعلا كانك كاين بجميع اقسام طواري مستشفيات الاردن .فعلا من كثرة الوجع بطلنا نقدر نحدد مصدره .عندنا وجع والم على الوطن وعندنا وجع على المواطن البسيط واللي راح دهيك وطي تحت الرجلين وعندنا وعندنا كثير وحسره عليك يا بلد .

يا زلمه روح والله حكيك يحيي الروح ... علي الطرباش وطرباش كل خير لو اني عبدالله النسور لحطك وزير لوزاره جديده اسمها الماضي والحاضر والمستقبل لانك الصحيح ذكرتني بامي وجدتي حمده الله يرحمهن كنت لما اذكر مسؤول واسب عليه كانت جدتي تطردني وتقول ياولد والله انك ما تستحي المؤول فلان الله يطول بعمره لانها مسكينه ما تعرف شو نهب من خيرات الاردن الحبيب . بالنهايه نقول حسبي الله ونعم الوكيل .

كان لنا احد الحجات رحمها الله تعاني من نفس الاعراض.عندما زارها احد اقاربنا واعطاها كميه كبيره من الحبوب الملونه.وجلس يشرح لها."
الاحمر للصداع.الاصفر للمغص.البني لوجع العظام.الاخضر مقوي .
اليوم الثاني قامت الحجه.الحجه مافيها وجع. الحجه بتطلب اكل. الحجه بتشرب قهوه في الحاره
خلصت الكميه ورجعت الحجه للوجع والشكوى
بدي علاج اللي جابوا ابو محمد.العلاج خلص
حكى احد الابناء مع ابو محمد.الحقنا يا ابو محمد شو اسم الحبوب اللي اعطيتهن للحجه
يا رجل هاي حبوب ملبس اطفال ملون.انا لا جيبت علاج ولا اشيء
وعندما اخبرها ابنها لم تصدق وماتت وهي تريد الحبوب الملونه اللي شفتها..
تحيه كاتبنا الاصيل