|
|
|
السبت , 23 تشرين الثاني/نوفمبر 2024
هلوسات مواطن أردني
بقلم : عبدالله المجالي 06-02-2018 06:47 AM يا مرة طفي كل الأضوية، جبت معاي شمع، صحيح أن الحكومة رفعت سعره لكن بظل أهون من فاتورة الكهربا. اسمعي الله بعينك بتغسلي وتجلي بمي باردة، لا كيزر بعد اليوم. الصوبة بس في غرفة القعدة، رح ابيع جرتين الغاز، بظل جرة وحدة لصوبة وحدة. يا مرة قولي لاولادك كل واحد نصيبه رغيف في اليوم. اكثر من هيك ما بقدر. الدعم اللي اجا اشترينا فيه قرطاسية. وعلى سيرة القرطاسية، ديري بالك على الاقلام والمحايات والبرايات والدفاتر، حطيهن في الخزانة وسكري عليهم بالمفتاح. يا مرة قولي للاولاد يبكرو في الروحة على المدرسة لانهم رح يروحوا مشي وبالرجعة بوخذوا باص. رفعوا اجرة الباص. يا مرة خففي من المعلبات زادو سعرهن. من اليوم وطالع وجبتين في اليوم. اسمعي كمان خففي الملح على الاكل، كمان زادوا سعره.
التعليقات
لا يوجد تعليقات
تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع كل الاردن بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع كل الاردن
علما ان التعليقات تعبر عن أصحابها فقط .
|
|
جميع الحقوق محفوظة © كل الاردن, 2012
|
الرد على تعليق